آدم: أحلى شي فيكي أنك بتفهميني بدون ما أحكي .. يعني بتفهميني من النظرة.. و هاد الشي اللي قربك مني أكتر و خلاني أتعلق فيكي.. يعني أنا كنت بحاجة لأنسانة متلك هيك ذكية و نبيهة و حساسة تفهمني...
حواء: حبيبي... أرواحنا تلاقت مع بعض و نحنا في بينا لغة تفاهم أنا متأكدة أنو أي اتنين عاشقين بيتمنوا يكون عندون متلها..
)نظرة حنونة من الطرفين.. هو يمسك يدها بدفء... و ابتسامة خجولة مع إطراقة رأس حيية من حواء النبيهة(

و بعد الزواج.....
عاد الحبيبان من سهرة جميلة مع الأصدقاء..
آدم: لك أنت مو طبيعية.. يعني ما عم بعرف ليش هيك عقلك صاير ..
حواء: ليش عم تحكي معي بهالطريقة؟؟ كل شي عم قللك ياه أنو ...
آدم : هلق بلا لعي فاضي... أصلاً هاد اللي شاطرة فيه أنت...
حواء: كل هاد لأني قلتلك أنك صاير ما عم تفهمني؟
آدم: شو قصدك يعني أنا قليل فهم؟؟؟
حواء: أنا ما قلت هيك...بس أنت بتعرف أنو قعدتك مع هي اللئيمة بدايقني و بتعرف أنها أذتني و حكت عليي و أنها بتغار مني و ما بتحبني و مع ذلك ضليت قاعد و عم تحكي معها و آخر انسجام و لا كأني قاعدة..
آدم: و أنا شو دخلني إذا ما كنتو متفقين و لا بدك ياني ما حاكيها للمخلوقة لهيك أسباب تافهة يا خانوم؟؟ و بعدين شو بيعرفني أنو هالشي بيدايقك إذا حضرتك ما حكيتي من قبل؟؟
حواء: لك كل اللي كانو قاعدين حسوني من عيوني مدايقة إلا حضرتك...
آدم: بالله شو؟؟ هو لأنو أنا ما بفهم أنا حيط..
حواء: أنا ما قصدت هيك بس أنت لا زم تفهمني و تحس فيني.. تعرف من دون حتى ما أحكي إذا كنت مدايقة...
آدم: أي هو لأنو أنا بضرب بالمندل.. و ما تحكي حضرتك و تقولي.. و لا بدك ياني أفهمك من النظرة يعني؟؟؟؟

و يخرج من الغرفة يتمتم: الله يلعن هديك الساعة قال بنت حساسة قال.. لعمى ما فيها ريحة الاحساس...

كيتيا