هلوسات سورية أخبار مجتمع ثقافة منتديات
| أخبار Google |
|---|
| Google News العالم العربي |
| Google News العالم العربي |
|
|
|
  |
| مواقع سورية |
|---|
البداية 
مرصد الطائفية موقف باص هلوسة كمان وكمان ( حالة تعصب بلدي ) ..؟.
مرصد الطائفية موقف باص هلوسة كمان وكمان ( حالة تعصب بلدي ) ..؟. | هلوسة كمان وكمان ( حالة تعصب بلدي ) ..؟. |
|
|
| هلوسات - موقف باص | ||||||
| 07 حزيران 2008 الساعة 11:10 | ||||||
|
بقلم: خليل صارم - سوريا  شورأيك نضربلنا اتنين هامبورغر أو بيتزا ونشفط وراها اتنين بيبسي ..؟...لأ ياعمي ..أنا بدي اضرب فلافل ووراها تمرهندي أو عرق سوس . شويعني بدك توفر ..؟! .. لأ .. مابدي وفر ولا ضراب السخن .. عالأقل بعرف شو عم باكل . ليش الهامبرغر والبيتزا والكولا مابتعرف من شو مكونه ..؟ !! .. ومنشان هيك بدي فلافل .. وكمان مابعرف آكل من اليسار الى اليمين .. ياأخي مابعرف لغات غير العربي .. ياحبيبي ..ياعيوني .. ماباكل الا أكل وطني ميه بالميه ..؟ أف..أف.. أف .. لهالدرجة واصل معك التعصب ..؟ ..لهالدرجة وأكتر بكتير .. عالقليلة متل ماحكينا منعرف شو عم ناكل .. مش منفوت بالمجهول ونقعد نفكر بخلطة الهامبرغر متل السياسة الأمريكية اللي بتغطي السموات بالقبوات .. طعم طيب بالأول مع خلطة البهارات اللي بتخلي طعمة لحم الكلب بتتساوى مع غيرها ..أما الخوازيق بتوصل بعدين . الحقيقة انو الحق بإيدك ..بس مافي مانع الواحد منا يجرب غير طعمة ..؟ .. ولك ياحمار .. مامتت بس ماشفت مين مات ..؟!!. اييييف ..وصلت معاك للموت ..؟.. مش لهالدرجة ياأخي ..!!!. .. ولك ياحمار للمرة الثانية .. لو بتحسبها صح بتلاقي الموت رفاهية بالقياس للي بدو يصير .. ماشفت العراق .. السودان .. الصومال ..الجزائر .. فلسطين .. وغزة ياغبي .. لبنان ياأحمق .. ولسه بدك تاكل هامبرغر وتشفط كولا .. روح تضرب ماللا أكل ..!!. بدك الحقيقة بيظل الأكل البلدي كيف ماكان يكون .. أطيب ..وأنظف .. ولاااك ..صحي ..صحي ..ياحمار .. لابيعمل تصلب شرايين ولاجلطة ولابيرفع الكوليسترول ولابيعمل سكر بالدم .. نباتي من أرض البلد ... ولاااك جايي على بالك تاكل لحمة ..روح اشوي لحمة بالبيت على الفحم عالقليله بتعرف نوع اللحم وبتشويه على كيفك .. ومنشان ماتزعج جسمك .. بتحط معو زيت وثوم . وهيك بتاخد العلاج فوري .ولاااك بدي إفهم شو اللي مخليكم معجبين بالأكل من اليسار لليمين .. قال ماشاء الله كلكم صرتو مثقفين يابعدي وبتعرفوا الهامبرغر فريدوم والكنتاكي ديموكراسي والبيتزا برونتو والكولا والكوكا والمارلبورو وانواع الدراغ الأنتي تيروريزم . يعني هيك صارت الثقافة ياخيييي ..؟ تضربوا مللا مثقفين آخر زمن . يعني اذا طرقت جاط فول مع البصل والبندورة والنعناع الأخضر بتصير متخلف وأمي .. واللا اذا دخلت بجاط فته بالسمنة أو الزيت مع الحباشة .. مش أحسن من كل البيتزا .. دخلك بتعرف انو البيتزا أصلها صفيحة شغل بلدنا ياذكي .. غيرو الحشوة ..حطولها رب البندورة والجبنة وبلشوا تخبيص فيها ..صار اسمها بيتزا ..ولأنها بيتزا بتصير مثقف لما بتاكلها . واللي بيجنن أكتر .. شوية طنطات قال مابقى بتعجبهم الكنافة والمفروكة .. صارت حلويات شعبية . بيقولوا ..ياي شو هالأكل التقيل ..؟. صاروا بياكلوا الكيك بالكريما ..والجاتوه . والسويسرول ومابعرف كمان شو . قال هيدا السويت بتاعهم بعد الفاست فود .. يارووووحي هيدا هوه.. بريستيج مثقفي الفاست فود . شو مالو الحلو العربي .. بربك مش بلكوم دبس عنب بخبز صاج شغل السويداء بيسوى كل سويت الأمريكانا واللا الأوروبيانا . واللا شووو..بها الشعيبيات شغل ادلب والمعرة واللا المأمونية الحلبية أو الحلاوة الحمصية والحموية واللا ..واللا .؟. قال سويت أجنبي ..قال . ولآاااك حلوا عنا يااااه ..تضربوا مللا ثقافة ومثقفين ... ومنشان هيك عم تخبصوا تخبيص ..بياخد العقل .. صارت عندكم اسرائيل ( جود غيرل فرند ) ويمكن بوي فرند ..؟ وصارت المقاومة تيروريزم ..هيك قال بوشت ياأوباش الأرابيكا .. ياأصنام الأنتيكا . ... شو ياأخونا لسه بدك تاكل هامبرغر .. واللا منروح لعند بياع الفلافل ومنضرب معها اتنين تمر هندي . واللا عرقسوس ..؟. شوقررت .. خلصنا . الحقيقة بدها تفكير ..؟ .. ياحبييييبي ..لسه بدك تفكر .!!. راح تعمللي متل هدول .. اللي بالي بالك .. لما بينحشر الدق معهم .. بيقولوا بدنا نفكر .. ولما بياخدوا نفس بيرجعوا يخمخموا من بقايا الهامبرغر والفاست فود الأمريكانا ..؟ شوقصدك .. وعلى مين عم تلمح ..؟ .. آسف مابقدر احكي هلق . حطينا البحصة تحت اللسان . لأنو في عملية تهدئة ..بعد مؤتمر الدوحة . ومحاولات لرأب الصدع العربي .ومضطرين مانذكر أسماء . مع انو من طول عمرك يازبيبة ..؟؟؟؟ . وكمان لو حطوه في القالب اربعماية سنة .. حايرجع أعوج . بس شو بدنا نعمل مع اللي بيجربوا المجرب .. لأ وبدهم يجبرونا على لوعة التجريب .. ولأنو نحنا شعب ..والشعب في الثقافة السياسية العربية هو مجرد قطيع غنم .. كام صفرة .. وهررررر تعاااا روووووح .. وكام كلب حوالي القطيع ..وبيمشي الحال .. ممنوع علينا نفكر .. ممنوع نختار المرعى .. ممنوع نختار ساعة النوم والراحة .. ولك وممنوع علينا نختار ساعة الموت .. كل هالشي شغلهم .. هم من يفكر عنا ويختار لنا كل شيء ..وبالنتيجة يختارون لنا المسلخ وساعة الموت .. لأنهم كلهم أوصياء علينا .. آلهة ..ونحن العبيد علينا فقط التسبيح بحمدهم والثغاء شكراً لتفضلهم علينا بشوية رعي .. السم أفضل منها . !!! مش معنى هيك انو نبدل الراعي براعي راكب حصان وحاطط على خصرو مسدسين .., والخروف اللي مابيعجبو بيطلق عليه الرصاص أو بيرمي متفجرة بتبيد نصف القطيع .. لازم نتغير ..نغير جلد الغنم .. والله ِ حلها ياجماعة نلبس جلد البني آدمين ونختار طريقة عيشنا .. مابيكفي ..؟ ..إي والله بيكفي .!!. الحكاية طالت وهالقطعان النايمة في الزرائب العربية السعيدة لازم تصحى وترجع لانسانيتها ..مش كل مين ركب على حمار وأخد دور الراعي بيتحكم فيها . . لأ وكل راعي لامملي حواليه شوية شلاتيه وسرسريه ومقاطيع .. بيقعدوا يفتو ..هيدا حلال ..وهيدا حرام ..مع انو وجودهم كله حرام في حرام في حرام . كل بلاوينا من هالشلل من أبناء الحرام اللي عملوا انقلاب على رب العالمين وعلى انبياؤه واستلموا مكانه . وصاروا هم من يوزع حق الحياة والموت . ولأنو من وجهة نظرهم كان غلطان ..قعدوا يصححولو .. ويصححوا للأنبياء .. وصاروا يفسروا الكتب والآيات على كيفهم وحسب المقاس .. مقاساتهم ومقاسات الرعيان ..كل الرعيان لافرق . هالخروف مش حامل علامة قطيعنا .. اذا ً هو كافر زنديق مش من عنا .. اهدروا دمه وحقوقه واستبيحوا ماله وعرضه ..ياللا ياشباب .. فتنطلق الكلاب والضباع والثعالب والذئاب تهر وتعوي وتنبح ..وتنهش بلحمه وتولغ بدمائه .. ثم يعودون مع الهلاهيل والزغاريد والثناء والحمد ..فقد انتصروا على شوية خرفان ويمكن يكون بيناتهم شوية أطفال لأ والعجيب ان هؤلاء لايقرأون الجانب الجيد والانساني من التاريخ ..يدخلون في قلب المغاور والأوجار المظلمة وينبشون منها الرمم والعظام البالية وتاريخها المقرف ثم يصبون عليها القوالب .. ويبخرون حولها وتعال يامؤمن اسجد واركع .. يستحضرون أسوأ المجرمين الذين لم يتركوا حراماً الا ارتكبوه ولم يتركوا موبقة وسخة الا وعملوها .. يبيضون لهم تاريخهم .. فيصبح من غزا شعوب الله الآمنة وعاد يجر خلفه أرتال من السبايا والولدان فيضعهم في قصوره ويفحش فيهن أو يخصي الأطفال هذا يصبح فاتحاً عظيماً وناشراً للإيمان وعليك أن تسجد لرمته وبقايا عظامه .. هذا أصبح قديساً .. كيف ..لاأحد يدري . ؟. مع أن عاتقه يحمل مجازراً وتقطيع أوصال وانهار من الدم البريء من دماء هذه القطعان مايخجل معه هولاكو .. تسألهم ..يقولون لك لقد فعل ذلك بالكافرين وهم مباحون لهم ..تسألهم عن المقصود بالكافر .. وكيف ميز بينهم ..؟ أحدهم قال لي ..وهل أنت أفهم منه ..؟! لأ ..أبدا ً ..أستغفر الله .. هو أفهم من كل البشر وحتى من الأنبياء والإله .. الذي حدد سلطة التمييز بين المؤمن والكافر وحصرها بارادته وحده ..ورغم ذلك فإن هذا الفاتح العظيم حامي حمى المؤمنين ومبيد الأعداء الكافرين وهازم الشرك والمشركين والفحل الذي كان يستبدل كل يوم واحدة وقطع رأس شهرزاد بالنهاية .. قد صادرها من بين يدي الاله واستولى على صلاحياته وعليك أن تخضع يامؤمن ..؟!!!. ... كل هيك مخبي بقلبك وبتقوللي لسه بدك تاكل فلافل ..؟ . شو رأيك يعني هالكلام مبرر حتى تغير عالفاست فود .. ياحمار .. بالطبع بيظل الفلافل والصفيحة والأكل البلدي أطيب .. مش معناه اني موافق على هالوجه الأسود من التاريخ .. هناك تاريخ أبيض ونظيف .. هناك حضارة .. واكل بلدي من أيام الفينيقيين ..مروراً بكل حضارات المنطقة والأنبياء وموروثهم الصحيح مش المشوه والمشبوه والمضاف اليه من تهيؤات الحمقى والأغبياء والأبالسة والمحرفين ..؟ . أنا بدي الفلافل والفتة والفول والمجدرة لأنو بدي استرجع حضارتي وارجع واشارك بالحضارة الانسانية اللي كنت على راسها وانا الآن مابيطلعلي رافد صغير فيها ..والسبب هؤلاء المنحرفين وأصنام التاريخ الأسود اللي ماإلي فيه أية علاقة . مش معناها اني اترك العبقري الفينيقي اللي رسم أول حرف .. والكدع اللي ركب البحر وصنع أول سفينة . واللي نسج أول قطعة قماش وصبغها بالأرجواني . ولا اترك قدموس وتموز و حمورابي وزنوبيا وجوليا دومنا وفيليب العربي والنبي موسى وهارون والسيد المسيح والعذراء مريم والنبي محمد . هؤلاء من أكلة الطعام البلدي الأصيل .. هؤلاء من أكلة الفلافل والبرغل وخبز التنور وزرعوا القمح والتين والزيتون وبنوا البلد الأمين . مش هالأصنام اللي صنعها حكام الظلم وأبناء الحرام ويريدون ارغامي على عبادتها . تصور يافهمان اني بحب هؤلاء وبحب كمان لينين وأنطون سعادة وغيفارا وعبد الناصر وأحمدي نجادي وشافيزوكاسترو والسيد حسن نصرالله وكل المقاومين وبكره أغلب الزعماء والحكام العرب وزعماء أمريكا واسرائيل وبني صهيون والمتصهينيين العرب والأوربيين . .. اوووف شو هالتناقضات ..؟ هلق هيك التناقضات برأيك .؟!!! صحيح انك أحول .. روح واسأل اللي بياكلوا بلدي .. كلهم نفس الشيء ياغزال .. !!. كلهم ياعزيزي بيتفقوا على كراهية النظام الأمريكي من قبل ماتنعرف أمريكا ..كلهم متفقين على كراهية الصهيونية واحتقار السلوكية والأخلاقية الصهيونية ..واذا بدك تعرف اكثر روح اقرأ الانجيل والقرآن .. واقرأ ادبيات هؤلاء جميعاً لتفهم جيداً .. هؤلاء كانوا المدافعين عني وعن انسانية الانسان عبر التاريخ فلماذا لاأحبهم وادافع عنهم .. وهيك لما بظل عالفلافل والعرقسوس ودبس العنب والشعيبيات بكون عم دافع عنهم .. أما اللي بدوا فاست فود أمريكانا ..مش منا ياعمي ..مش منا أبداً . يروح ..ينقلع .. يحل عنا . يتضربن على قلبو .. خليه يقحط . - شووو.. بعد بدك هامبرغر وكولا ..؟ اذا كان هيك بدك اذا ً قحط وبلاك وبلا هالصحبة وهالمعرفة من أصلو ..؟ .. طول بالك شوي ليش هالتعصب .. خليك ديمقراطي ..منفتح .. لأ.. حبيبي .. بلاك وبلا ديمقراطيتك .. وانفتاحك .. شفنا الانفتاح بمصر .. صاروا يدوروا على رغيف الخبز مايلاقوه ..وصار صحن الفول رفاهية .. كام ابن كلب ..شفطوا الغلة كلها وتركوا الناس ميتين من الجوع ..هيك بدك الديمقراطية والانفتاح الأمريكانا ..روح تضرب انت وهيك ديمقراطية وهيك انفتاح كمان ..قال انفتاح كمان .. ظلوا ينفتحوا حتى صاروا أوسع من ذمة بوش . وهيك بدهم يعملوا بلبنان وبالسودان وبالجزائر وبكل مكان من أمكنة بني الخرفان وعنا كمان شوية حرامية عم بينتعوا من شان يحرفوا البلد ..بس ماطلع بإيدهم . ... يلعن الساعة اللي عزمناك فيها على سندويشة هامبرغر .. مش عارف انك بدك تسيسها وتوصلها للتعصب الأعمى .. هلق هيك التعصب بمفهومك .؟. من الصبح وانا عم قلك لينين وغيفارا وانطون سعادة وعبد الناصر والسيد حسن نصرالله وموسى والمسيح ومحمد . والشمس بساعة الفسق والمطره فشت..فشت ( على رأي عادل امام ) .. وانت بتسميها تعصب .. ولك انت اجدب واللا أحول واللا حمار .. العمى ضربك ..ليش دائماً التهمة جاهزة عند امثالك .. ولك ياغبي وين التعصب . واللا كل مين مابيحب الكوكا كولا والمارلبورو والهامبرغر .. متعصب .. تيروريزم برأيكم . ولك رووح الله يوخدك كما يقول الأخوة في فلسطين .. ول..ول..ول..شو هالهبل .. من طيبو بوش عم يلاقي مين يسمع له بهالبلاد .. أتاري في هبل كثير مثله وأكثر منه . . قوم انقلع .. تضرب منك لبوشت . .. طول بالك يازلمة ..مش هيك قصدي .. انت فهمتني غلط .. هات فهمني الصحيح ياغزاااال .؟!!. ..أنا قصدي .. انو يكون شوية حوار ..عشان نفهم الآخر . . مش تقطعها بالمرة وتقمعني .. شوية بتقوللي حمار ..وشوية ..غبي ..وشوية انقلع وقحط .. وكل الله يارجل .؟ ولك حوار على شو .. بتحكي بالديمقراطية ومافيش عندك ولو فتفوتة ديمقراطية .. وبدك انفتاح حتى صرت بتمرق باص بطابقين ..؟ .. شوبدك نتخلى عن كل شي ونصير ملحقين باسرائيل مثل اللي بالي بالك بلبنان . . اللي باعوا كل شي وصاروا جواسيس على المقاومة .. وبدهم يعملوا اللي ماقدرت عليه اسرائيل .. واذا حكينا الحقيقة ..بيزعلوا وبيقولوا عم تخونونا .. دخيلك شو اسم اللي عم يعملوه ..؟!! هذول ياخوي مثل الفاسدين اللي عنا .. بس تحكي عليهم وتكشف المستور .. بتصيبهم نوبة جنون وبيتهموك انك عم تعطل المسيرة وعم تعرقل النمو . وعم تربك ابداعاتهم الشفطاوجيه والبلعيزم . ويمكن يمدوا ايدهم اكثر ويتهموك بالخيانة ودعم التحركات الصهيونية المعادية .. وبينسوا انهم تماماً امتداد للمخطط الأمريكي والصهيوني .. وانهم المعطل الأكبر للنمو والتطوير .. بس هاي المسيرة مافهمتها .. مايكونوا عم يقصدوا مسيرة النهب والشفط والاختلاس والفساد . لأ وبيهددونا اذا منطالب بمحاسبتهم انهم بيطلعوا على أوربا وبيعملوا معارضة . ولك العمى يضربهم ضرب .. بلشوا بشقة حتى ينستروا فيها .. صارت الشقة ضيقة ..وتحولت لطابق ..ثم الطابق الى فيللا .. ثم الى بناية كبيرة ..طويلة عريضة .. ثم صار بدهم ملحقات ..شاليه ..ومزرعة .. وكام سيارة .. وهيك بعدهم عم يشدوا طلوع ..لوين بدهم يوصلوا .. الله أعلم .؟!!. ومنشان الزمن ..صار عندهم أرصدة برا البلد .. ولك ياولاد الكلب .. سرقتوا .. نهبتوا .. عشتو عيشة هارون الرشيد... ( مش رضي الله عنه واللا.. لأ ) .؟. أنا والله مابعرف .؟. بس ليش الرصيد برااا . ولك ليش .. طيب اعملوا فيه مشاريع جوا البلد وهيك بتساهموا بتصنيع البلد وتقليص البطالة يعني سرقة وولدنة حرام وأذى للبلد والمجتمع .. شوفوا اللي بيضوا الأموال وفتحوا فيها مشاريع خدمية وتصنيع الله وكيلكم ماعم نجيب سيرتهم ..يعملوا مثلهم عالأقل .. أما تبييض عن طريق تجارة السيارات واحتكار العقارات .. هذا مرفوض .. مابينفع .. ضرره كبير علينا .. وبدنا نظل نحكي وننشر عرضكم على أي حبل فاضي . .. بدكم تسكتونا .. وتهددوا بالسجن .. تفضلوا ..بس النتيجة مش مضمونه ..وبدكم تاكلوها ..تاكلوها .. مابيفيدكم . . بعرف هلق في ناس منهم عم يقروا ويتحرقصوا .. وخايفين انو نذكر اسماؤهم .. مش مطولين بدنا نعملها ونذكرهم بالإسم .. حتى مايعملوا علينا مؤمنين وفاعلين خير ويخدعوا الناس اللي مابيعرفوا ماضيهم الوسخ وايديهم الملوثة . لأ .. الألعن اذا (بدو) يتشدد معهم..؟ بيهددوه انهم يهربوا لبرا ويعملوا معارضة متل هدول اللي خربوا البلد لأكثر من ربع قرن ونشروا الفساد والنهب والقمع وارهاب الناس وبعدها طلعوا على أوربا وعملوا معارضة .. واحد بيبكي الحرية اللي خربها وقعد على تلها وعم يطالب يفتح اوتوسترادات حرية ولما كان بالبلد سد الزواريب الصغيرة لأ وجمع حواليه شوية لقاليق وسماهم رابطة مثقفين متل حضرتك ..وهم مش أكتر من مشتري شهادة الدكتوراه ومابيعرفوا يحكو تلات كلمات ويحطوها بجملة مفيدة ( متل يونس شلبي بمدرسة المشاغبين ) ونفس صاحبنا معو شهادة دكتوراه مع انو مابيعرف مقاعد الجامعة ..!! . والثاني بيطالب بالديمقراطية من قصر اوناسيس بباريس بعد ماشفط وخرب سوريا ولبنان .. لأ وتحالفوا كمان مع جواسيس لبنان .. وقاعدين بكل وقاحة يحرضوا ضد المقاومة تماماً متل مابدها اسرائيل .. ولك حرية شو وديمقراطية شو .؟؟. حرية النهب والسلب وديمقراطية الفحش وكتم الانفاس والخيانة والتحالف مع الصهاينة .. لأ.. ووصلوا لمرحلة يطالبوا فيها هالأهبل بوشت باجتياح البلد متل ماعمل بالعراق . . هلق هيك بتكون المعارضة .؟!!. اخص ..اخص .. الله يبهدلكم اكتر واكتر .. ولاااك تفووووه على هيك ديمقراطية وحرية وهيك معارضات .. دخلك شو ممكن تكون الخيانة غير هيك ..؟!! نحنا منفهم انو المعارضة بدها الأحسن والأفضل للبلد وللناس بس ايمتى كانت الخيانة والجلسة بحضن الأعداء العنصريين أفضل للوطن وللناس .؟!!. قول يافهيم ..جاوبني . ... طول بالك ..روق ..روق .. بكره رايح بوش وبيتغير النظام في البيت الأبيض .. ومين ماكان بديل راح يكون أحسن . هلق هيك طلع معك .؟!!. متلك متل هالشوية زعما وملوك وسياسيين عرب ..بيقولوا عنهم عرب .. انا مادخلني ومابصدق .. كلامك ياذكي متل كلامهم .. نفس المدرسة السياسية الغبية .. المنحرفة .. متل السيارة المفتول الشاسيه تبعها بتكون ماشية عالأوتوستراد وبتفكرها فايته يمين أو شمال حسب الفتله ..؟ ولااااك شو مفكر انت.. هدول مش متل سياسة العربان .. هيدول مين ماإجى يجي بدو يظل غصب عنه ماشي عالخط المرسوم .. فيه روس كبيرة وعقول شيطانية قاعدة ورا الستارة هي اللي بتخطط وبترسم السياسات وماحدا بيقدر يخالف .. ولااااك ياحمار ماشفت أوباما .. اللي كنتوا عم تبشروا فيه وبتتباهوا علينا بالديمقراطية الأمريكانا اللي بترشح واحد أسمر للرئاسة ( شو مفكر مافي سود وسمر وصفر صهاينة ) اذا فكرن هيك بتكون أكبر حمار .. أوباما لما قرب عالكرسي ..راح لعند الايباك وأعلن الولاء للصهاينة اللي متخبيين ورا الستار .. وهيك ضمن الترشيح .. زاود على ماكين وعلى هيلاري .. أوعى تفكر انو في شي بدو يتغير والا بتحمل هوية جحش عن جدارة . .. كل مرشح بدو يزور المجموعة الحاكمة الحقيقية .. هؤلاء هم ممثلين عن عائلة روتشيلد وكام عائلة صهيونية من ياللي ماسكين وول ستريت .. هم من يمسك بخيوط اللعبة وبيحركوا الحكومات الأمريكية ومجلس الشيوخ .. ولما واحد بيخالف بيحرقوه وبيلعنوا سنسفيل أجداده . بس شوبدنا نعمل مع أمثالك اللي بيسوقوا للمرشح كل اربعة سنوات .. بيقولوا حتى الحمار مابيوقع بالجورة مرتين بس اغلب الزعماء والسياسيين العرب بيوقعوا فيها كل يوم .. يعني مش لازم يبقوا ..لأن بقائهم اهانة لتلاتمية مليون ويمكن اكتر .. شو رأيك منقول الله لايبارك بهالعدد..؟. لأ والأبشع من هيك ..اسرائيل .. كل مااتفقوا مع العرب االمنبطحين وبعض زعماء الفلسطينيين ..وبس ينحشر الدق ..بتقوم الحكومة بتستقيل وبيعملوا انتخابات مبكرة .. وبيقوموا بيشكلوا حكومة جديدة .. بتلحس اللي عملتوا الحكومة اللي قبلها ..وبناء المستوطنات شغال على أبو موزة .ويالله من الأول ياعرب .. بربك مش كأنها عم تختم على قفاهم بالحمرنة والجحشنة والنذالة ..؟!!! راح يجي يوم مايلاقي فيه الفلسطنيين قطعة أرض يفاوضوا عليها ورغم هيك بعدها حكومة أريحا بتقول انها بدها توصل لنتيجة ..دخلك نتيجة شو..؟!!. الخلاصة ..بدك الحقيقة هؤلاء الزعماء متفقين معهم . وتابعين ..وخونة ..واللي بدوا يزعل ..يزعل ويحترق . اسرائيل عليها أن تجد المخرج وليس لديها سوى هذا المخرج ..بحجة الديمقراطية الاسرائيلية . شفت الديمقراطية .. هاي هيه الديمقراطية اللي بدو اياها بوشت والبوشتية اللي بمنطقتنا . سؤال صغير ..قوللي مين اللي محاصر غزة .. الصهاينة واللا بني العربان الديمقراطيين ..المنفتحين ..اللي مطبعين ..؟!! لأ وبيلوموا سوريا ليش عم تدعم المقاومة .. وليش بتتحالف مع ايران ..عالقليلة العرب وايران ولاد منطقة واحدة من آلاف السنين وبيفهموا على بعض ..بيتزاعلوا ..بيتراضوا ..بيحلوا مشاكلهم مع بعض لما بيكون في مشكلة حقيقية .. أما شو جاب أمريكا والصهاينة من آلاف الكيلومترات .. ؟. ولسه في أغبياء بيستقبلوا الأمريكيين والصهاينة بالأحضان .. وبيديروا ظهرهم لاسرائيل ..وبيبلشوا ردح على ايران .. مع انو الصهاينة دخلوا غرف النوم وعم بيفحشوا بأعراضهم ..بربك فيه ندالة بالعالم أكتر من هيك ..؟!! . شو رأيك ياعزيزي بعد بدك تاكل هامبرغر واللا بترجع عالفلافل أحسن .. قرر .. ماعاد عندك وقت ..؟. مش التعصب للبلدي أحسن .؟؟؟؟.
|
||||||
          |
| RSS Feeds |
|---|
|
روابط XML
|
| مواقع مهمة |
|---|