| أخبار Google |
|---|
| Google News العالم العربي |
| Google News العالم العربي |
|
|
|
  |
| مواقع سورية |
|---|
البداية 
مرصد الطائفية موقف باص لأ ..هالمرة عن جد ..مش هلوسة ( شي بيرفع الراس )
مرصد الطائفية موقف باص لأ ..هالمرة عن جد ..مش هلوسة ( شي بيرفع الراس ) | لأ ..هالمرة عن جد ..مش هلوسة ( شي بيرفع الراس ) |
|
|
| هلوسات - موقف باص | |||||
| 18 تموز 2008 الساعة 16:06 | |||||
|
بقلم: خليل صارم - سوريا أ  ي شوبدنا بكتر الحكي والله شي بيرفع الراس ياخيو .. !!... خير انشالله ..شوفي ..؟ - شو مش عم تتابع الأخبار باينتك ..ماشفت شو اللي صار بفرنسا ..؟ ... ايوه ... قصدك على مؤتمر البحر المتوسط ..؟ أي تابعتها .. فعلاً شي بيرفع الراس ... والله هالشب قدها وقدود . - لكن ياعمي .. خليهم يفهموا شو يعني سوري .. ؟. وصل مرفوع الراس ومش هامموا حدا .. اللي بيزعل يزعل ويشرب البحر ..واللي ماعجبوا ..خليه ينطح الصخر .. والله عمل حركة غير شكل وكان النجم غصب عن اللي بيريد واللي مابيريد . وماغير مواقفوا .. ولا ساير حدا .. قال اللي لازم يقولوا منشان لبنان وسوريا وكمان ايران . ... خييييي بردلي قلبي بهالكذاب تيري رود لارسن .. لما منعوه يحضر اللقاء .. قال جايي مع كي مون .. شو نسي حالو شو عمل من يوم مجزرة جنين لما غير كلامه ودافع عن اسرائيل واللا مع شلة لعيبة الكشاتبين و كيف كان يشاركهم بالكذب ضد سوريا متله متل ميليتس أخدت ايدو عالدولارات وعلى الشمبانيا والكبه والتبوله اللبنانيه ... خي.. صار لارسن أقل من طرطور قدام العالم ..وهيك لازم يفهموا بقية شلة النصابين والكذابين وجماعة المشروع الأمريكي . . - ولك ياعمي شفت كيف بعدولو اولمرت عنو .. وكيف دارلو ظهروا قدام الناس وقدام باريس كلها . كان منظر أولمرت بيضحك . قال كانو مفكرين يخلوه يلتقي معو .. أي بعيدة على شنبو . ... ولك هلق اللي محيرني قطر ..كيف حضرت المؤتمر وهي مش من دول المتوسط .. ؟ - هاي رسالة لغيرهم .. خليهم يعرفوا انو قطر لانها كانت صادقة ووقفت مع لبنان ..كل لبنان بدون تحيز لحدا .. وكانت صادقة مع سوريا .. شوف هالمكانه اللي صارت الها .. دولة صغيرة كتير ومع هيك صارت أكبر من غيرها اللي تآمروا وكذبوا وسببوا بمشاكل كتيرة في لبنان ..ووقفوا مع اسرائيل ضد المقاومة . وحاولوا يعلقوها مذهبية وطائفية .شوف كيف ماعاد حدا يحترمهم وصارت قطر اكبر منهم ومن دولهم .. والله ياعمي بيستاهل أمير قطر الاحترام . ومنشان هيك شفت كيف كان عالمنصة مع ساركوزي والرئيس ومع ميشال سليمان رئيس لبنان . ... والله ياخيو مابيصح إلا الصحيح . - بس بتعرف انو اللي بيرفع الراس أكتر اللي صار بلبنان ..والله ياعمي قال السيد حسن وفعل . وصدق الوعد .وكشف أوراق اسرائيل على حقيقتها . ... والله ياخيو شي عجيبة ..إنو مقاومة مش دولة .. مسحت بإسرائيل واللي وراها الأرض وطلعت اسرائيل فزاعة متل اللي بيحطوها بالحقله منشان يخوفو فيها العصافير ..يعني عاملينها كام نظام عربي منشان يخوفو شعوبهم فيها .. وهاي هي الحقيقة .. والحقيقة أكتر انو من المغرب العربي الى الخليج والنظام العربي بيحكي بفلسطين وتحرير فلسطين وبيحضروا الجيوش طلع كل هالتحضير منشان يواجهو شعوبهم ومش منشان فلسطين وهيدي هي الحقيقة اللي كانوا عم يهربوا منها ..اجاهم السيد حسن والمقاومة وكشفوا الحقيقة . - شفت ..من طيبهم هالأنظمة بيكرهوا السيد حسن ..ومش بس السيد حسن ..بيكرهوا كل واحد بيعمل مقاومة واللا بيدعمها منشان هالشعوب ماتكتشف الحقيقة ..!!. بس بتعرف إني كنت حاطط ايدي على قلبي بعملية التبادل لما سلمهم توابيت الجنديين قبل مايستلموا الأسرى , وقلت بيني وبين حالي يمكن يعملوها ويلغوا العملية ..ومعلومك الصهيوني بيحب المماطلة واللف والدوران بطبيعته .. حتى المولود الصهيوني بيصير يماطل ويساوم امو قبل ماينزل من بطنها . ... مش وحدك كنت خايف ..أغلبية الناس خافت وصارت تفكر كيف بتعملها المقاومة وبتسلمهم التوابيت قبل مايستلموا الأسرى ..؟ - بس بتعرف .. اللي كان واضح ..انو السيد حسن كان واثق من نفسه كتير وبيعرف انو الصهاينة مابيسترجوا يعملوها بعد ماجربوا المقاومة وعرفوا شو بيطلع بإيديها .. والنتيجة ماطلوا كام ساعة وبعدين سلموا ويمكن اجتمعوا ودرسوها وخافوا من النتيجة ويمكن ياكلوا بدن يربيهم للأبد خاصة وانو أمريكا غارقة لأذنيها بهالمستنقعات اللي تورطت فيها وعم تدور على مين يساعدها حتى تطلع من هالورطة . وهلق المهم عند بوش والشلة تبعو انهم يحموا روسهم من المحاكمة بعد الانتخابات . والظاهر انهم قالوا للصهاينة حاولوا تتأقلموا مع الوضع الجديد وتسايروا اللي حواليكم وترضخوا بلكي بينسوا عمايلكم السابقة .. بس مين ممكن يقدر ينسى بلاويهم . ؟ .. واللي ضحكني أكثر انو قعدوا بعد التسليم يهددوا سمير القنطار والسيد حسن ..ويحكوا عن اخلاق اسرائيل .. و(لاتضحك) .. الله وكيلك صاروا يحكوا تماما ً متل هالأنظمة العربية اللي كانوا يبعبعوا بعبعة أو يحتجوا ويضربوا بيانات عالطالع والنازل منشان يضحكوا على شعوبهم وهيك صاير بزعما الصهاينة هالأيام . ... دخلك وبقية الأسرى اللي بالسجون ايمتى هالأنظمة بدها تطالب فيهم .. ؟. - ولك ياعمي ايمتى كانت هالأنظمة الهرتك اللي طول عمرها بتتلقى أوامرها من الصهاينة والأمريكان ..ايمتى كانوا يهتموا بالمواطنين تبعهم , حتى يهتموا بالفلسطيني واللا ببقية الأسرى العرب . هاي الأسرى الأردنيين بالتبادل السابق طلعوا من سجون الصهاينة ودخلوا السجن بالأردن .. ( بربك مش واضحة ) . ولك عالقليلة يعملوا ضجة اعلامية بكل المحطات الفضائية وبكل اللغات .. الله لايبارك فيهم صاروا حوالي اربعماية فضائية وكلها على علاك فاضي وعلى استقبل صاحب السمو وودع ولي الأمر .. واللا عطس الأمير فلان .. واستقبل شي راقصة درجة عاشرة أو اشترى قصر ومزرعة بأمريكا .. قال صاروا حضاريين يابعدي . ؟!! ولولا كام فضائية بلبنان وسوريا والجزيرة والمنار ماحدا عرف بعملية الرضوان ولا حدا شاف القنطار .!!!!! ... دخلك شو رأيك بمؤتمر حوار الأديان ..؟. - دخلك ليش اللي حاضرين بيمثلوا الأديان .؟!! .طيب مين فوضهم ..؟!! مش يوحدوا أديانهم بالأول وقبل مايعملوا حوار الأديان . .. منشان الله قللي ..كيف بيحكي بحوار الأديان ..هيدول اللي عم بيفرقوا ابناء الدين الواحد عن بعض ومبلشين ضخ بالمذهبية والتقاتل وهدر دم الأبرياء ..؟ دخلك بتقدر تقللي كم طائفة ومذهب بالمسيحية وكم طائفة ومذهب اسلامي وكمان اليهود كم طائفة ومذهب ..وكلوا بيكفر كلوا .. طالما انهم مش قادرين يطلعوا من هالمستنقعات ..كيف ممكن يلتقوا ..؟!!! . والله أنا شايف انو مؤتمر للتستر على بلاويهم والضحك على البشرية .. هيدا مؤتمر لتحالف السلطة والمافيا مع رجال ومغتصبي الدين ضد البشر مش أكتر .. وماحدا بيصدقهم الا الأهبل . ... مش ممكن تكون نواياهم حسنة وبدهم يعملوا سلام عالمي ..؟ ؟؟ - سلام شوووووو .؟!!! ولك صحيح انك أهبل .. كيف ممكن تصدق انو المافيا بيوفي معها السلام العالمي .. دخلك وشو بدهم يعملوا بمصانع الاسلحة واحتكارات الدخان والمخدرات والنفط والأغذية ... شو انت مجنون .. هلق معقول يتخلوا عن هالأرباح الأسطورية والتحكم برقاب الناس . ... حل عني يرحم ابوك وبلاش هبل . ... طيب شو رأيك باللي قالو سلفان شالوم .. عن انو ليش عملوا الحرب اذا كان بالنتيجة بدهم يبادلوا الأسرى .. ؟!! - طيب مابتذكر شو قال لهم السيد حسن قبل الحرب بيومين .. قال لهم انو زعمائكم ..حمقى ..حمقى ..حمقى .. وهيدا شالوم تذكر هالكلام ..ومنشان هيك سؤاله موجه لحكومته .. بس بتصدق اني ضحكت لما سمعت هالمجرم الخرفان شيمون بيريز .. قال انو عيب عالشعب اللبناني يحتفل والاسرائيليين بحالة حزن .. بربك في وقاحة وعهر اكتر من هيك .. وين كانت هالإنسانية قدام مجازر أطفال قانا الأولى والتانية .. مش هو نفسه اعطى الأوامر بقصف أطفال قانا الأولى .. وين كان لما كتبوا عالقنابل هدية لأطفال لبنان . طيب ومش بيريز نفسه كان عضو بعصابات الشتيرن اللي ارتكبت ابشع المجازر بحق اطفال ونساء فلسطين .. كانوا يفتحوا بطن الحامل ويراهنوا بعضهم اذا كان الحمل ذكر أم انثى .. هيدا اللي كان يعملوا شيمون بيريز.. هيدا صاير فيه متل العاهر اللي بتقعد وبتحكي عالناس وبتطعن بشرفهم وبتنسى حالها .. بكره شوف ..بيطلعلك كام أهبل وكام عميل وبيقعدوا يحاكونا بالإنسانية وحقوق الانسان . أو يشمئزوا من الحكي عن اشلاء الجنود الصهاينة .. ومابيشمئزوا من ايديهم الملوثة بأشلاء المواطنين اللبنانيين أيام الحرب الأهلية . وبكرا بيطلعلك شوية سطحيين وتافهين وبيعملوا حالهم باحثين ومفكرين وأدباء ..منشان ينشهروا ويعملولهم الصهاينة دعاية . . بيقوموا الصهاينة على هبلهم بيصدقوا انهم شعب الله المحتار .. والحقيقة انهم مختارين من مين ماكان الا من الله . .. ولك ياعمي من كتر حماقتهم بيصدقوا انا راح ننسى مجازرهم من يوم تأسيس المافيا تبعهم بفلسطين وكل اللي عملوه بالفلسطينيين وبالعرب وبالأسرى المصريين بحرب حزيران . . بربك في اكتر غباء وحماقة منهم غير هالشوية أنظمة عربية . ؟!!. ... أنا شايف انو الطائفية والمذهبية كانت كذبة كبيرة وانشالله الناس بهالمنطقة تكون عرفت الحقيقة .؟!! - ليش مين قالك انوالناس بهالمنطقة بتصدق انو فيها طائفية واللا مذهبية .. ياعمي هيدي شغلة العملاء والجواسيس والأنظمة الساقطة .. وكل هالشي اللي عملوه كان دفاع عن اسرائيل بس ماإلهم عين يقولوا هيك ..قاموا صاروا يقولوا مسيحي ومسلم وشيعه وسنه .. طيب تعال نشوف .. مع اني بكره الحكي بالمذهبية وبكره اللي بيحكوا فيها .. بس شو اللي جمع سمير القنطار الدرزي والعلماني اليساري بأم جبر الغزاوية الفلسطينية السنية المتدينه .. وام جبر متل ماشفنا صارت أم تانية لسمير القنطار من اكتر من خمسة عشر سنة . وشو اللي خلى اسماعيل هنية الغزاوي السني وقائد حماس بغزة يوجه التحية لسمير قنطار . وشو اللي جمع السيد حسن بسمير القنطار .. واللا الجنرال عون .. مش الحالة الوطنية .. ومقاومة الصهيونية .. يعني الحالة الوطنية أهم من كل شي .. وطبعاً الحالة الوطنية بتخلق معها حالة انسانية راقية وحضارية ومن هون الانسان المتدين بيدخل بحالة شفافة وصادقة وبيصير فوق كل هالأمور لما بيشتغل ضمن الحالة الوطنية .. وهيك بيلتقي مع الناس بالحالة الانسانية والوطنية .. وكمان شو اللي جمع حزب الله مع كل فصائل اليسار والشيوعيين العلمانيين والقومي العلماني والعروبي المتدين والعلماني العادي والمتدين المسيحي وبقية المذاهب الاسلامية .. مش كلهم دخلوا بحالة مقاومة سواء كان بالسلاح أو بالموقف أو بالسياسة ... شفت الشعب اللبناني باحتفال استقبال الأسرى والشهادء . وحتى بالمدن العربية الناس مانزلت على الشارع وكلوا قاعد قدام التلفزيون وكلوا فاتح على المنار عم يتابع عملية التبادل دقيقة بدقيقة .والله شي بيرفع الراس وبيجدد الأمل .. يعني بالحقيقة مافيش مذهبية ولا طائفية وماحكي فيها إلا خدم المشروع الأمريصهيوني حتى يعملوا بالمنطقة (ميكروكيانات ) وهيك كل زاروب وكل اسطبل بيصير دولة وكلو بيصير بحماية الصهاينة ..هيدا كلام صار مكرر كتير والأمور صارت مكشوفة حتى للعميان . ... دخلك سمعت شو عاملين الصهاينة .. قال اخترقوا نظام الاتصالات اللبناني وعم يبعتوا رسائل تهديد للمواطنين اللبنانيين .. وماعم يعرفوا كيف اخترقوا النظام ..؟ !! - بسيطة امبارح مروان حمادة سلم الوزارة ..يروحوا يسألوه قبل مايعذبوا حالهم .. مش إلو سوابق ..لما كان يبلغ عن تحركات المقاومة بحرب تموز ..وتسبب بقتل عشرات الأطفال لما شدوا القصف عالضاحية لما بلغهم انو السيد حسن موجود بالضاحية .. .!!! مايكون مفكر بحالو إنو غفرالله له لما شارك باستقبال سمير القنطار ...والله عجيبة بلبنان ..مافي أسهل من تغيير القميص السياسي .. والبركة شو خفيفين بلعبة نط الحبلة . !!! ... وشو قصة سعد الحريري بزيارتو للعراق ..أي شو هوه رئيس دولة ..واللا مندوب دولة كبرى .. واللا شو القصة ..؟!! - بسيطة الملف اللبناني تأجل وحطوه على جنب وتراجع المشروع الأمريكي بلبنان .. وهلق بدهم يركزوا حتى يبيضوا صفحتهم بالعراق ..واللي الله مسود وحهو ..كل ماكياجات العالم مابتبيضوا .. على كل حال بدك تعرف سر هالزيارة ..لازم تعرف شو اللي صاير مع بوش ومع أولمرت .. ومين حاكم العراق الحقيقي ..وأي نظام عربي مضطر يبيض الصفحة ويغير الأقنعة .. بس الشي بيحير انو مش خايف وعم يتحرك بالعراق على راحتوا .. وماحدا من هيدول التكفيرين هددوا بالاغتيال أو بشي عملية تفجير .. صحيح والله شي بيحط العقل بالكف ..؟!! على كل حال لازم تعرف شو صاير بالسعودية حتى تعرف سر هالزيارة ..؟. و..ياخبر بفلوس ..بكره بيجيك ببلاش .!!. على كل حال خلينا هلق بسوريا ولبنان ..والله ياعمي شي بيرفع الراس عن جد .. وبخليك تتفاءل بالأيام اللي جايه .
|
|||||
          |
| RSS Feeds |
|---|
|
روابط XML
|
| مواقع مهمة |
|---|